白话童谣.docx

白话童谣月光光 月光光，照地塘，虾仔你乖乖瞓落床，听朝阿妈要赶插秧咯，阿爷睇牛去上山岗， 哦哦哦 哦哦哦 虾仔你快高长大咯，帮手阿爷去睇牛羊，啊啊啊，啊啊啊 月光光，照地塘，虾仔你乖乖瞓落床，听朝阿爸要捕鱼虾咯，阿嫲织网要织到天光， 啊啊啊，啊啊啊。虾仔你快高长大咯，划艇撒网就更在行。哦哦哦 哦哦哦。 落雨大 落雨大，水浸街。 亚哥担柴上街卖，亚妹出街着花鞋，花鞋花襪花腰帶，珍珠蝴蝶两边排。 摇摇摇 摇摇摇，赶水过沙桥，沙桥有螺执，搵眼针来挑，细路哥唔要，比只大香蕉，引到BB 哈哈笑。 拍大髀 拍大髀，唱山歌，人人话我冇老婆，扚起心肝娶返个。 有钱娶個娇娇女，冇钱娶个豆皮婆。 豆皮婆，食饭食得多，屙屎屙两籮，屙尿沖大海，屙屁打铜锣。 曖姑乖 曖姑乖，曖姑乖，曖大姑乖嫁后街，后街有鲜鱼鲜肉卖，又有鲜花戴， 戴唔晒，摆落床头比老鼠拉，拉拉拉，拉去大新街， 大新街又有个扯皮鞋，扯下开，又扯下埋。 排排坐 排排坐，吃果果，猪拉柴，狗烧火， 猫衣担凳比姑婆坐，坐烂个屎窟唔好賴我，賴番隔离个二叔婆。 氹氹转 氹氹转，菊花园，炒米饼，糯米团。亚妈叫我睇龙船，我唔睇，睇鸡仔， 鸡仔大，攞去卖，卖得几多钱？卖得三百六十五个仙。 肥仔个头 肥仔个头，大过五层楼，肥仔只手，细过荷兰豆，肥仔个PP屙豆豆。 点虫虫 点虫虫，虫虫飞，飞到荔枝基。荔枝熟，摘满屋，屋满红，陪住个细蚊公。 萝卜头 萝卜头，点 油，点得多，咸过头，点得少，淡茂茂。 距以为，好正斗，点不知，比人踢箩柚，一踢踢到西门口。 勾鼻佬 勾鼻佬，正死仔，一入广东乱咁黎，杀人放火以为威。 点不知，有野睇，遇到陈棠就飞石仔，打到距爬系地下要食泥。 肥婆肥腯腯 肥婆肥腯腯，买旧猪肉去拜神，行到半路屎窟痕，返到屋企无晒人。